1972
оны нэгдүгээр сард Оросын Ленинград хотод төрсөн алдарт жүжигчин
Константин Хабенский бидний дуртай олон кинонд дүрээ мөнхлөсөн нэгэн.
Дунд сургуулиа төгссний дараа тэрээр Ленинградын техникийн их сургуульд
элсэн орж суралалцаж эхэлсэн бөгөөд 3 жилийн дараагаас өөрийн явах зам
биш гэдгээ ухаарч сургуулиа орхисон гэдэг. Сургуулиасаа гарсны дараа
цэвэрлэгч хийж, гудамжинд хөгжим тоглож, театр болон студид туслахаар
ажиллаж байжээ. 1990 оноос Ленинградын театр урлагийн хүрээлэнд орсон
бөгөөд энэ цагаас эхлэн жүжигт дүр бүтээх болжээ.
Тэрээр гайхалтай сайн жүжигчин төдийгүй,
гайхалтай сайн үйлстэн юм. Эхнэр нь 2007 онд хүүгээ төрүүлээд хорт
хавдраар өвчлөхөд тэрээр тансаг харшаа зарж, их хэмжээний өр зээл
тавьжээ.
Мөн тухайн үед гол дүрийг нь бүтээж байсан "Адмирал" "Хувь
заяаны эрхээр 2 " кинонуудынхаа бүх хөлсийг эмчилгээнд нь зориулсан
ажээ. Гэвч харамсалтай нь жилийн дараа эхнэр нь хорвоогийн мөнх бусыг
үзүүлсэн байна. Тэр цагаас хойш Хабенский жирийн л нэг байранд амьдарч,
бараг бүх орлогоо буяны үйлсэд зориулж одоогоор тархины хорт хавдартай
150-аад хүүхдийг авраад байна. Тэрээр өмнө нь ердөө л өвчтэй хүүхдүүдийг
эргэхийн тулд Казань хотод очсон бөгөөд хоёр өдрийн дараа тэдгээр
хүүхдүүдэд туслахаар шийдэж авралын гараа сунгаж эхлэсэн байна. 
No comments:
Post a Comment